Ibinalik na an excise tax sa liquefied petroleum gas (LPG) asin kerosene makalihis ining paramientras na suspendiron kan gobierno.
Segun sa Bureau of Internal Revenue (BIR), epektibo kan Hulyo 8 an pagbabalik kan buwis sa duwang produkto makalihis bumaba an presyo kan krudo sa pangkinaban na merkado.
Segun sa ahensya na basado sa Department of Energy (DOE), uminabot sa 79.45 dollars kada bariles an average na presyo kan Dubai crude oil puon Hunyo 1 hasta Hunyo 30.
Huli ta nagbaba ini sa 80 dollars kada bariles, awtomatikong babalik an excise tax sa LPG asin kerosene.
Antes an suspensyon, pugbubuwisan nin P3 kada kilo an LPG asin P5 kada litro man sa kerosene.
Paramientras na hinali an buwis kan Abril ngani na mapagaan an gastos sa tahaw kan paglangkaw kan presyo kan langis huli sa tensyon sa Middle East.
