Posibleng maglangkaw liwat an presyo kan liquefied petroleum gas (LPG) sa mga masunod na aldaw huli sa tensyon sa Middle East.
Pigkakarkulo na nasa P27.50 an pwedesir na idugang sa kada 11-kilogram na LPG cylinder, o katumbas nin poco mas o menos P2 kada kilo, segun sa LPG Marketers Association (LPGMA).
Alagad wara pang opisyal na price adjustment an Department of Energy, sinabi kan LPGMA na naglangkaw an presyo kan LPG sa world market.
Segun ki LPGMA Founder asin Chairman Arnel Ty, naapektaran an presyo makalihis liwat na sumiklab an tensyon sa pagultangtan kan Estados Unidos asin Iran, na nakaka apektar sa pangkinaban na suplay kan LPG.
Huli digdi, sinabi kan grupo na malabo man na magkaigwa nin rollback sa presyo kan LPG sa masunod na mga bulan, urog nang mapuon na an winter stockpiling sa ibang nacion.
