LEGAZPI CITY – Piglalaomang matatapos na an road widening project kan Department of Public Works and Highways (DPWH) sa enterong rehiyong Bicol ngunyan na taon.
Huli sa kadakol na naging kaulangan, dae nadagos an pagkumpleto sa proyekto na dapat kuta kan nakalihis na taon.
Segun sa tagapagtaram kan ahensya na si Lucy Castañeda, makukumpleto sana an proyekto kun maubos na an pagpapakaray asin pagpapahewas kan mga national road.
Apwera kaya sa kalamidad, pondo asin iba pa, saro sa naging kaulangan kan proyekto an mga harong o private properties na naabot kan road widening.
Kapag dae suboot naghahali an mga nakaulan, piglalagpasan na sana ini kan DPWH huli sa dae man sinda pwedesir maglaog sa lugar apwera na sana kun may kapot sindang papeles.
An mga nakasabay na private property sa proyekto an pwedesir man bayadan kan ahensya na susog man sa market value ngane dae malugi an tagsadiri.
Alagad kun habo man kan mga ini asin kaipuhan talaga an lote, pwedesir suboot na i-turn over ini sa solicitor general ngane na maiproseso asin posible man suboot an pagsangat nin kaso.
Apwera pa kaini, kun para man sa karahayan kan gabos, segun sa opisyal, pwedesir na kuwaon an pribadong pagsadiri.
