LEGAZPI CITY- Ipinagsugo na ni Albay Governor Al Francis Bichara an total decampment sa rinibo pang natatadang Mayon evacuees sa temporary shelters kasunod kan pagbaba kan alerto kan bulkan sa Alert Level 2 status o moderate level of unrest.
Sa ekslusibong intrevista kan Bombo Radyo Legazpi ki Albay Public Safety and Emergency Management Office (APSEMO) chief Dr. Cedric Daep, ‘well-coordinated’ asin ‘informed’ na man suboot an mga local chief executives sa isasagibong pagpapauli kan mga residente.
Dugang pa ni Daep na lifted na man an gabos na ibinabang advisories mantang naka-standby na man an mga trucks kan Provincial Engineering Office en kasong igwang maghagad nin augmentation support.
Mientras tanto, napag-araman na labi pa sa 1,600 na pamilya an nagtetenir ngonian sa evacuation centers kan Albay na piglalaomang mauli na sa mga kaharungan tangarig duman na girumdumon an mga natatadang aldaw kan Semana Santa kasabay kan pagbabalik sa normal kan sitwasyon.
