LEGAZPI CITY – Nagtutubod an sarong Peace Studies Professor na dae maaagi sa resignation kan mga lideres an mga serye nin rally kan publiko nganing kondenahon an mahiwasang korapsyon sa gobierno.
Pigladawan ni Bicol University Peace Studies Professor Dr. Herbert Rosana sa intrevista kan Bombo Radyo Legazpi na bako gabos na tawo an mawot palitan ni Vice President Sara Duterte si Presidente Ferdinand Marcos Jr. enkaso magdemitir ini sa saiyang posisyon sa ibong kan nakasaad sa konstitusyon an succession.
Alagad nagtutubod man siya na an mga nangyayari ngonian na mga protesta an pwedesir na may mangyari na dapat paghandaan asin dangugon kan gobierno.
Dae niya man masasabi kun magpapadagos an agrangay kan mga Pilipino laban sa mga katiwalian urog na kun dae man nagkakasararo asin an nangyayari ngonian na watak watak an obheto asin katuyuhan kan mga nagsasagibo nin hiro-protesta.
Pigtaram pa ni Rosana na maski pigmamantenir kan mga uniformed personnel an pazy orden sa mga lugar na pigsasagibuhan kan mga rally an dapat dae ini maghalo sa mga ralihista asin dae pwedesir na makiaram sa direchos kan mga Pilipino.
Pagdoon niya pa na kaipuhan sana kan gabos nin consistency sa saindang ipiglalaban asin magin moral sa mga pagpipilian sa paglaban sa korapsyon sa satuyang gobierno.
