Inihayag ni Philippine Ambassador Jose Manuel Romualdez na nakatuon an naging pag-oolay ninda Presidente Ferdinand Marcos Jr. asin U.S. Secretary of State Marco Rubio sa pagpapakusog kan relasyon kan Pilipinas asin Estados Unidos, urog na sa lado kan depensa asin ekonomiya.
Ipinaabot man ni Rubio an pagbati ni U.S. President Donald Trump sa presidente asin nagpahayag nin paglaom na maka-atendir ini sa ASEAN Leaders’ Summit sa Nobyembre.
Segun ki Romualdez, dae nagin pangenot na tema sa pag-oolay an China, ICC, Ayungin Shoal, asin isyu sa labor practices.
Siring man, sinabi niya na ikinaugma ni Presidente Marcos an marikas na pag-uswag kan Luzon Economic Corridor huli sa makakatabang ini sa pagtalubo kan ekonomiya kan nacion.
