LEGAZPI CITY – Pigpaplanuhan na ngonian kan Gobierno Lokal kan Legazpi City an re-branding kan Tourism Industry.
Segun ki Councilor Alan Rañola sa intrevista kan Bombo Radyo Legazpi na mawot ninda na makapag-ofresir nin bago asin kakaiba sa saindang nasasakupan pati na sa mga turista asin kaipuhan na magin competitive sa ibang LGU pag-abot sa mga siring kaining orolay.
Alagad paglilinaw niya man na nakatalaan punan an nasabing re-branding pagkatapos kan selebrasyon kan Ibalong Festival nganing mag-convene kabale an City Tourism Office asin iba pang stakeholders.
Wara man suboot na maraot sa pag-rebrand huli ta kadaklan sa mga ciudad, banwaan, o maski munisipalidad o provincia an nagsasagibo kaini kun kaya ini na ang oras nganing baguhon an i-repackage an industriya kan turismo sa ciudad.
Pigtaram pa kan opisyal na mawot niyang ipa-convert bilang sarong departamento an City Tourism Office nganing magigin crucial ini sa pagdadara ninda nin mga turista sa ciudad.
Punto niya man na dapat magkaigwa nin eksaktong petsa kan nasabing festival nganing matabangan man an ciudad kan Department of Tourism sa pagpromote kan aktibidad.
Sa hiling man ni Rañola na makakatabang an pagpapagayon kan turismo sa pagpapakusog man kan ekonomiya kan ciudad kun kaya amay pa sana suboot an dapat seryoso na sa pagpapagayon kan turismo.
