LEGAZPI CITY-Naarestar kan mga otoridad an nasa listahan kan Rank 7 Most Wanted Person sa Daraga Albay sa ikinasang joint operation sa ciudad kan Marikina.
An akusado binisto na si alyas “Otep”, residente kan Daraga sa Albay, asin naarestar huli sa ipinluwas na warrant of arrest kan korte Hulyo 27.
Nahahampang an suspek sa mga charges kairiba na an, Qualified Rape by Sexual Assault kan Republic Act No. 8353 asin pinagtibay kan Republic Act No. 11648, na igwang piyansang P200,000.
Kairiba man sa kaso an Acts of Lasciviousness katakod kan Article 336 sa parehong Code, na igwang pyansa na maabot sa P36,000.
Isinagibo na operasyon sa koordinasyon kan Officer-in-Charge kan Malilipot MPS asin mga personnel kan Daraga MPS.
Sa presente, nasa kustodiya na kan Manlilipot Municipal Police Station an suspek para sa iba pang proseso.
Padagos man an operasyon kan pulisya sa kampanya laban sa mga wanted na indibidwal.
