LEGAZPI CITY-Naarestar an sarong Rank 3 Municipal Most Wanted Person kan Tiwi, Albay sa ikinasang operasyon kan mga otoridad sa Bacacay, Albay.
Basado sa mga impormasyon na naguno kan Bombo Radyo Legazpi, na binisto an akusado sa alyas na ” Tor ” asin igwang pigkakahampang na kasong Frustrated Murder.
Sa presente nasa irarom na kan kustodiya kan Tiwi Municipal Police Station an akusado asin nakatakdang ihampang sa hukuman para sa saiyang kaso.
Mientrastanto, padagos man an kampanya kan mga kapulisan laban sa anumang kriminalidad sa nasabing banwaan.
