LEGAZPI CITY—Natakdag sa kamot kan mga otoridad an pigkonsiderar na rank 10 provincial most wanted person kan Masbate sa kinundusir na man-hunt operation kan Mobo Municipal Police Station sa nasambit na provincia.
Segun ki Mobo MPS COP Police Captain Reden Tolledo, sa intrevista kan Bombo Radyo Legazpi, an suspetsado sarong 29-anyos, construction worker, residente kan Umabay Interior, Mobo, Masbate.
An suspetsado nahahampang sa kasong panlulugos asin warang pigrerekomendang piyansa.
Segun sa opisyal, an biktima pamangkin kan suspetsado.
Mientrastanto, pangapudan man ni Tolledo sa publiko lalo na sa mga magurang na mahigot na bantayan an saindang mga aki para maibitiran an siring na insidente.
