Niyugo nin magnitude 5.6 na linog an kadagatang harani sa Jomalig, Quezon pasado alas-10:11 kan banggi ngunyan Hulyo 29, 2026, susog sa Philippine Institute of Volcanology and Seismology (PHIVOLCS).
Nairehistro an linog sa rarom na 10 kilometro asin namatean inio sa manlaen-laeng parte kan Luzon, kabale an Metro Manila, Rizal, Quezon, Bulacan, Pampanga, Cavite, Laguna, Camarines Norte, Camarines Sur, asin mga karatig na lugar.
Nairehistro an Intensity III sa Quezon City.
Sa instrumental intensity report kan Phivolcs, namatean man an Intensity III sa Jose Panganiban asin Mercedes sa Camarines Norte, siring man sa Guinayangan asin Infanta sa Quezon.
Narehistro man an Intensity II sa Ragay, Iriga City, Pili, Sipocot, asin Sagnay sa Camarines Sur.
Sa presente, wara pang nairereport na danyos katakod kan nasabing pagyugo.
