Sususpinderon na kan Qatar an papel kaini bilang mediator sa pag-oolay sa pagultangan kan Israel asin Hamas makalihis an nagpalyar na negosasyon kan duwang lado.
Marurumduman na an Qatar an katabang kan Egypt na nagpapatahaw sa duwang lado.
Ginibo kan Qatari government an desisyon makalihis na magsayuma an Israel asin Hamas na magkaigwa nin pag-oolay.
Wara na kaya nin tunay na negosasyon puon kan gadanon kan Hamas an anom na Israeli hostages na nadiskubre sa tunnel sa Gaza kan nakalihis na Agosto.
Durante kan ceasefire na ipigbusol kan Qatar asin Egypt kan Nobyembre kan nakalihis na taon, napalaya kan Hamas an nasa 105 na mga bigay mantang pinalaya man kan Israel an nasa 240 Palestinian prisoners.
Bako ini an enot na bes na nagpahayag nin pagkadisganar an gobierno kan Qatar huli ta kan Abril, sinabi ni Prime Minister asin Minister of Foreign Affairs Sheikh Mohammed bin Abdulrahman Al Thani na pigagamit an esfuersos kan Qatar sa political interests.
