LEGAZPI CITY- Kumbinsido an mga parientes ni Batuan, Masbate Vice Mayor Charlie Yuson III na pulitika an rason sa pananambang sa biktima.
Sa ekslusibong intrevista kan Bombo Radyo Legazpi ki Municipal Councilor Emil Glenn Yuson na pamangkin kan biktima, antes pa man an insidente, haloy na suboot na nakakaresibe nin death threat an saindang pamilya.
Pigtutubudan ni Coun. Emil na an pamilyang mahigot na kalaban sa pulitika an nasa likod sa pambabadil-gadan sa bise alkalde na obhetong pabagsakon suboot an impluwensya sa lugar.
Afuera digdi, wara na suboot nin nahihiling na iba pang anggulo si Coun. Emil urog pang wara man suboot nin ibang nakakabangga o naagrabyado an opisyal.
Mientras tanto, nagpa-Manila na an Pamilya Yuson tangarig na asikasuhon an pag-uli kan hawak kan biktima sa Masbate.
Kasuodma kan pagbabadilon-gadan si Vice Mayor Yuson sa Sampaloc, Manila kun sain nairido man asin pigbubulong pa sa ospital sinda Wilfredo Pineda asin Alberto Alforte.
