LEGAZPI CITY—Liwat na nagpagiromdom an Philippine Institute of Volcanology and Seismology (PHIVOLCS) sa publiko na likayan an paglaog sa four-kilometer-radius Permanent Danger Zone partikular na sa vents kan south-southeastern slopes kan bulkan Bulusan huli sa huma kan volcanic hazards siring kan phreatic eruptions dara kan mga nairehistrong pagdakol nin seismic activity.
Magigiromdoman na enot nang nagpaluwas nin abiso an ahensya kun saen Pebrero 26 hasta Marso 2 nakapagrehistro nin 49 volcano tectonic earthquake na mahihiling sa northern asin southeastern part kan bulkan na may rarom na 3 to 6 kilometers.
Segun ki Bulusan Observatory Resident Volcanologist April Dominguiano, sa intrevista kan Bombo Radyo Legazpi, en kaso man na magkaigwa nin mga pagdugang sa seismicity an nagpapahiling an aktibo man liwat an hydrothermal processes sa irarom kan bulkan na pwedesir magresulta sa sudden steam-driven o phreatic eruptions.
Dugang niya na kun hihilingon man sa ibang monitoring parameters an nasa backgroued level pa ini, asin an degassing activity gikan sa saiyang active vents an nagpapahiling nin very weak o to moderate sa mga nakalihis na aldaw.
Susog na sa huring pagsukol kan Pebrero 26 an maluya man para mai-detect kan instrumento an sulfur dioxide kan bulkan.
Tinawan-doon man kan opisyal na sobrang baba pa nganing ma-detect kan saindang instrumento an ground deformation asin volcanic gases kaya sa presente nagtitinir ining nasa Alert Level 0.
Pigpagiromdoman man kan ahensya nan mga local government units na magin preparado en kaso man na itaas an alert level kan bulkan gikan sa Alert Level 0 pasiring sa Alert Level 1.
