LEGAZPI CITY-Sinabi kan sarong Political Science Professor na dapat magin “vigilant” na an publiko asin mag-practice nin discernment ngani dai na maglaom sa mga pigpapaluwas na splice videos kan mga biased social media influencers.
Segun kay FEU Political Science Professor Francisco Riodique, sa intevista kan Bombo Radyo Legazpi , na dapat mas “vigilant” an publiko asin dapat dai tulos magtubod an publiko sa mga pag-deny kan mga Politiko.
Tinawan doon man kan propesor na dapat dai tulos mahumaling sa mga paliwanag kan mga politiko na “sentimental” asin “emotionally pact”.
Laoman man niya na ma-practice kan mga tawo an discernment asin pag-adalan an sitwasyon kun sisay an mas credible asin bako credible.
Sinabi pa ni Riodique na dai dapat magrely an publiko sa mag splice videos na pigsasagibo sana kan mga biased social media influencers.
Mas marhay suboot na magantabay sa mga hearing ngani mabusisi mismo an mga gestures kun talagang dai nagsasabi nin tunay an sarong politiko, ngani na magkaigwa man nin informed opinion asin mabalanse an mga nadadangog na impormasyon.
Importante suboot na masabutan kan mga tawo an mga isyu asin mag-exert nin effort ngani dai mautro pa an siring na kurapsyon asin mapanimbag an mga imbueltong politiko.
