LEGAZPI CITY-Naka-alert status na an provincial government kan Albay huli sa pig-aantisiparan na “Bagyong Opong” sa rehiyon.
Segun kay Albay Governor Noel Rosal, sa intrevista kan Bombo Radyo Legazpi, nagpaabot na sinda nin direktiba sa Albay Public Safety and Emergency Management Office (APSEMO) ngani ma-assess an mga ekipahe asin mga gagamiton na mobility enkaso magkaigwa nin pre-emptive evacuation.
Padagos man suboot an saindang pag-monitor sa bagyo asin enkaso na magkaskas ini an posibleng magpoon na an pag-uuran sa rehiyon sa Huwebes nin banggi.
Nagpaabot naman suboot nin direktiba mapadapit sa pagkansela kan klase asin tranaho asin pig-aasigurar naman kan iba pang mga katakod na ahensya an preparasyon orog na sa mga area na prone sa pagbaha asin landslide.
Abiso man ni Rosal sa mga namamanwaan na kaipuhan na maghanda huli sa bagyo asin padagos an saindang pagkondusir nin miting sa iba pang mga sangay kan gobierno asin sa disaster management.
Pigaabisuhan man suboot an mga nasa lokal na kumunidad orog na sa mga prone sa flooding, landslide, o lahar na mag-practice nin local evacuation asin magantabay sa mga direktiba enkaso magbago an tracking kan bagyo.
