LEGAZPI CITY-Ipighayag ni House lead prosecutor asin Batangas Rep. Gerville “Jinky Bitrics” Luistro na importante an testimonya ni Lemuel Ortonio, huli ta ini suboot nagpapatotoo sa mga alegasyon nin mga iregularidad sa paggamit asin pag-liquidate kan confidential funds kan Office of the Vice President (OVP) sa panunungkulan ni Vice President Sara Duterte.
Dugang pa ni Luistro, kinumpirmar ni Ortonio an nagkapirang isyu sa pag-request, pag-release, paggamit asin pag-liquidate kan pondo susog sa Joint Circular No. 2015-01.
Kabale digdi an P250 milyones na hinagad kan Office of the Vice President (OVP) kan Agosto 22, 2022 na warang computation, projection asin Physical and Financial Plan (PFP).
Naaprobaran sana asin napasar an Physical and Financial Plan haros sarong bulan pakatapos kan pag-request.
Mientras tanto, sinabi man ni Lanao del Sur Rep. Zia Alonto Adiong na igwang pagsisikap na maubos an P125 milyon na confidential fund kan OVP sa laog sana nin 11 araw bago matapos an 2022.
Kinumpirma suboot ni OVP Assistant Secretary Lemuel Ortonio na bilog an P125 milyon na nairehistrong naiulat nagastos poon Disyembre 21 sagkod 31, 2022.
Segun kay Adiong, 11 araw sana an ginugol kan 2022 kumparar sa 52 hasta 79 araw kada quarter kan taong 2023.
Huli digdi, sinabi kan prosecution na kaipuhan pang maipaliwanag kun pano tinukoy an kantidad asin kun nata bilog P125 milyon an nagastos bago matapos an taon
