LEGAZPI CITY — Nagpapadagos ngunyan an programa kan Bureau of Jail Management and Penology (BJMP) Bicol para sa mga barangay officials na direktang ma-handle kan mga durugista.
Segun ki Jail Senior Insp. Joseph Lucila, panduwang beses nang ikinundusir kan BJMP an limang aldaw na Therapeutic Community Modality Program Training/Workshop – Community Based Rehabilitation Program kun saen enot ining ginibo sa syudad kan Tabaco sa Albay asin ngunyan sa Iriga City sa Camarines Sur.
Kasabay man sa trainer’s training an nagkapirang LGU officials na ma-monitor asin ma-assess kan approach sa mga surrenderers.
Nagtutubod an opisyal na epektibo, makabuluhan, napapanahon asin nahihiling an pagbabago sa pag-uugali kan mga residente kan BJMP sa paagi kan nasabing programa.
Tinawan duon man ni Lucila na pigtatawanan nin atensyon kan programa an gabos na aspeto sa buhay kan sarong indibidwal ngane na magkaigwa nin pagbabago sa buhay, pananaw asin matawanan nin kasimbagan an ano man na problema sa buhay urog na sa pag-uugali, sa intelektwal, ispiritwal, psycho-emotional asin survival.
Mas maray kaya suboot na matawanan nin tsansa an mga surrenderers na marealisar kan mga ini an saindang importansya.
Sienerto man ni Lucila na magkakaigwa nin dakulang pagbabago sa pagpautob kan nasabing programa.
