Ipigdoon kan Department of Energy (DOE) na ang pag-amyenda sa Oil Deregulation Law an pinakaimportanteng lakdang na dapat gibohon kan Kongreso nganin maprotehiran an nacion hale sa biglaang paghalangkaw kan presyo kan langis, urog na sa panahon kan krisis o giyera.
Sa House Committee on Ways and Means, hinapot ni Rep. Alfredo Garbin Jr. si DOE Sec. Sharon Garin kun anu-anong emergency legislative amendments an ipigrekomenda kan ahensya nganing masimbagan an padagos na paghalangkaw kan presyo kan petrolyo.
Kabale sa mga inusisa an kun pabor ba an ahensya sa inventory disclosure, anti-profiteering triggers, o an paramientras na suspensyon kan excise tax asin VAT adjustment para sa produktong diesel.
Simbag kan opisyal kan Department of Energy, mantang epektibo an presenteng ley sa normal na sitwasyon, bako ini bastante en kaso may mga pansamantalang suspensyon kan excise tax asin may natural and artificial causes ang paghalangkaw kan presyo.
Aminado an kalihim na labing vulnerable ang Pilipinas huli sa tulos na namatean sa nacion an epekto kan pankinabang taas-presyo.
Afuera pa digdi, pigtuga ni Garin na wara sindang bastanteng kapangyarihan sa irarom kan presenteng ley nganing mapugulan an paghiro nin presyo bago pa man ini mangyari.
Afuera pa sa amyenda sa Oil Deregulation Law, ipigbubusol man kan ahensya an polisiya mapadapit sa unbundling asin an pagpapahewas sa mga kapangyarihan kan Department of Energy sa industriya.
Mientrastanto, nabanggit man kan ahensya na pigkarkulong nasa 20 porsyento kan kabilogang pump price sa mga gasolinahan an gikan sa excise tax.
