Nagpaluwas nin executive order NO. 33 an provincial government kan Sorsogon katakod kan pagselebrar kan ika-130 na pagkakamukna kan Probinsya.
Sa intervista kan Bombo Radyo Legazpi kay Dong Mendoza an tagapagtaram kan Provincial Gorvernment of Sorsogon, deklarado bilang special non-working holiday sa probinsya sa maabot na Oktubre 17.
Pinag-iinganyar ma nkan opisyal an mga namamanwaan asin maging an mga estabisyemento na makisumaro sa aktibidad.
Nakatalaan man na makisumaro sa aktibidad si President Ferdinand Marcos asin mag-iinagurar kan Sorsogon Complex Sports Arena.
Apwera sa inagurasyon kan Sports Complex ay nakatalaan man na magbisita an presidente sa mga pyoyekto na isinasasagibo sa probinsya.
All systems go na man an probinsya para sa mga nakatalaan na aktibidad sa probinsya magpuon ngunyan na aldaw antes na matapos man an Kasanggayahan Festival sa probinsya.
Mientras tanto inaasahan na magiging mahigot an seguridad sa probinsya huli na man sa mga pinaglalaoman na mga bisita sa Sorsogon.
