Maikokunsiderar nang nasa all-time high an presyo kan langis sa Pilipinas makalihis an ika-duwang bugso nin bigtime oil price hike.
Segun ki Department of Energy (DOE) Secretary Sharon Garin, nairehistro kan ahensya an duwang magkasunod na pinakahalangkaw na paglangkaw sa presyo kan produktong petrolyo sa historya kan nacion.
Ini na an maikokunsiderar na all-time high consecutive price hike sa sektor kan petrolyo.
Ini man an pinakahalangkaw na presyuhan kan nasabing produkto basado sa historya.
Dugang pa kan opisyal na posibleg mas halangkaw an presyo kan langis sa mga lugar na harayo sa National Capital Region, partikular sa mga lugar na nangangaipo nin mas halawig na biyahe ngani na maihatod an suplay nin petrolyo.
