LEGAZPI CITY – Piglalaoman kan pirang flower vendor sa ciudad kan Legazpi an paglangkaw sa kantidad kan mga burak pirang aldaw antes magsapit an aldaw kan mga puso.
Segun ki Arlene Soliano sa intrevista kan Bombo Radyo Legazpi na sa presente an nagtetenir na mabenta an mga burak huli sa manlain-laing okasyon na pigseselebrar kan publiko.
Nagkakawat suboot sa P200 sagkod sa P1,000 an presyo kan sarong boquet nin burak depende sa size asin klase nin burak na gagamiton.
Paliwanag niya na naghalangkaw an presyo kan mga burak na saindang pigti-tienda huli sa mga ginastos sa abono, transportasyon asin huli man sa availability kan ibang burak.
Pigtaram pa kan naunambitang paratienda na sa ibong kan pig-aantisiparang pagsipa kan presyo an may mga tawo pa man na mabarakal nin burak nganing itao sa saindang namomotan sa buhay.
Pangapodan ni Soliano na aprobitsaran an saindang burak sa baratong presyo ngonian na nagdadangadang na an valentines day.
