Pinagirumduman ni Senate Impeachment Trial Presiding Officer Chiz Escudero sinda prosecution counsel Atty. Lorna Kapunan asin defense counsel Atty. Kristine Ferrer na ibaba an tensyon asin dae na pagpalalaon an garing “generational divide” sa courtroom.
Ini makalihis liwat na magkainitan an duwang abogado sa ika-15 aldaw kan impeachment trial ni Vice President Sara Duterte.
Kan magpatahaw si Atty. Kapunan sa cross-examination ni Atty. Ferrer, pigduon kan defense lawyer na pigtutugutan an saiyang mga kapot.
Sa ibong kaini, nanindugan man si Atty. Kapunan na igwang limitasyon an cross-examination asin dae pigtutugutan an mga misleading questions.
