LEGAZPI CITY-Pormal na sinarado ni Pope Leo XIV an Holy Year kan Simbahang Katolika makalihis an pagsarado kan Holy Door kan St. Peter’s Basilica, kasabay an pangapudan sa mga Kristiyano sa bilog na kinaban na magpahiling nin pagmakulog sa mga nangangaipuhan orog na sa mga migrante asin dayuhan.
Sa saiyang mensahe sa seremonya sa Vatican, binalikan kan Santo Papa an pigkakarkulong 33.5 milyong deboton na nagatendir sa Roma sa panahon kan jubilee year.
Tinawan doon man niya an peligro kan paghiling sa mga tawo bilang produkto sa tahaw kan baluktok na pagtubod sa ibang mga lahi.
An Holy Year, na bisto bilang jubilee, an karaniwang pigsasagibo tuyong ika-25 taon asin nakatuon sa mga tema kan pagpapatawad, pagkakasundo, asin katoninongan.
Sa panahon na ini, pigtutugutan an mga peregrino na magagi sa mga itinalagang Holy Door sa apat na enot na basilica sa Roma asin magatendir sa mga espesyal na aktibidad kan Santo Papa.
Segun sa mga opisyal kan Vatican asin Italy, uminabot na sa 185 na nacion kun sain hale an mga peregrinong nagbisita sa Roma sa 2025 Holy Year, na pinangenotan kan Italy, United States, Spain, Brazil, asin Poland.
Nagukit nin historya an Holy Year 2025 huli sa bako ordinaryong pangyayari sa laog kan labi 300 taon na nakakalihis.
Marurumduman na binuksan ni Pope Francis an jubilee bago siya mamaaram kan Abril makalihis an 12 taon bilang lider kan labi 1.4 na bilyong Katoliko sa bilog na kinaban.
