Kinumpirma ni Polish President Karol Narowck na mawot kan Poland na pahewason an ugnayan kaini sa Pilipinas asin itaas sa antas kan strategic partnership.
Sinabi ni Narwocki na importante an pagtatabangan kan Poland asin Pilipinas sa pagmamantenir kan seguridad sa tahaw kan mga huma sa manlain lain na kinaban.
Dagdag pa kan Polish leader an mga problema sa seguridad sa sarong rehiyon an posibleng maka apektar sa kinaban.
Tinawan duon niya an importansya kan seguridad sa kadagatan, urog nang parehong igwang importanteng kadagatan na kaipuhan na protehiran an Poland asin an Pilipinas.
Ipinunto man ni Nawrocki na pwedesir man na magtabangan an duwang nacion sa pagtugon sa kalamidad, seguridad sa militar asin pagpapauswag kan saindang mga industriya.
Nabanggit man kaini an hybrid attacks sa Baltic Sea asin iba pang parte kan Europe, kaibanan an pagpapalakop nin salang impormasyon, pakikiaram, asin pangraraot.
Segun pa ki Nawrocki, na pwedesir na makaukod an Poland asin Pilipinas hali sa eksperyensya kan lambang saro ngani na mapakusog an seguridad kan duwang nacion.
