LEGAZPI CITY-–Maabot sa 100 na same sex couples an nagpakasal makalihis na gibohong legal kan Enero 23 an same-sex marriage sa nasyon kan Thailand.
Segun ki Bombo International Correspondent Toto Cadapan, sa intrevista kan Bombo Radyo Legazpi, na an same-sex marriage sa nasambit na nasyon hinalat nin haros sarong dekada asin haloy nang ipinaglaban para magin sarong ley ngani magkaigwa nin patas na karapatan asin para makaresibi man nin mga manlaen-lane na benepisyo gikan sa gobyerno.
Dugang ni Cadapan, na ini ipinag-orgolyo asin ikinaogma kan mga namamanwaan sa Thailand huli ta makalihis an halabang panahon kan saindang pagpupursige naisakatuparan man liwat an saindang haloy nang pighahalat.
Tinawan-doon man kaini na an mga same-sex couples mapangangatamanan na kan nasambit na ley para sinda man mamuhay siring kan normal na mga mag-agom.
Mientrastanto, wara man masyado suboot nin mga nagkokontra kan ginibong legal an same-sex marriage sa nasambit na nasyon.
