Inihayag ni Social Security System (SSS) President asin Chief Executive Officer Robert Joseph M. de Claro, na nagtagama sinda nin ng P6 bilyon para sa dagdag pension kan nasa 4.1 milyong mga pensioner asin maresolbaran an saindang pang-uro aldaw na pangangaipuhan siring man na magkaigwa nin higit na seguridad sa pananalapi.
Segun ki Claro, ang kadugangang benepisyo an puon Hunyo hanggang Agosto 2026 nganing matabangan an mga pensioner na makayanan ang epekto kan inflation asin naglalangkaw na gastos sa enerhiya.
Ini an suporta ni Department of Finance (DoF) Secretary asin SSS Chairperson Frederick Go, asin parte kan ikaduwang bugso kan Pension Reform Program para sa labi 4.1 milyong pensioner.
Ang mga SSS pensioner na rehistrado puon Mayo 31, 2026 an tulos na nakakaresibe nin dagdag-pensyon puon pa kan Lunes, Hunyo 1, 2026.
Mantang an mga magiging benepisyaryo puon Hunyo 1 hanggang Agosto 31, 2026 an mapuon makakaresibe nin mas halangkaw na pensyon sa Setyembre 1, 2026. Sa irarom kan ikaduwang yugto kan Pension Reform Program, magkakaigwa nin 10 porsiyentong dagdag sa bulanang pensyon ang mga retirement, asin disability pensioner, mantang 5 porsiyento man an dagdag para sa death asin survivor pensioner.
