Inanunsyar kan Social Security System (SSS) ang pinadaling requirements para sa pag-avail kan Emergency Loan Program (ELP) sa tahaw kan krisis kawsa kan tensiyon sa Middle East.
Sinabi kan ahensya na pwedesir mag-apply para sa emergency loan ang mga miyembrong igwa nin 18 kontribusyon kun sain an 6 na kontribusyon an dapat bayad sa huring 12 bulan. Ini an nagbaba gikan sa dating 36 na bulan na kontribusyon na pigtugutan para sa emergency loan.
Sakop na man sa programa ang mga miyembro na may minimal past-due loans nin may tulong bulan na amortizations siring na man an mga overseas Filipino workers (OFWs).
Nasa kabilogang P27 billion an itinagama para sa programa na piglalaomang makakatabang sa 2.24 milyong miyembro kan SSS.
Sa irarom kan programa, pigtutugutan na an miyembro na makasubli nin sagkod P20,000, na may interest rate na 7% kada taon, na may anom na bulan na moratorium.
An kantidad kan emergency loan an depende sa average kan huring 12 Monthly Salary Credit (MSC) o ang in-apply na kantidad, kun arin an mas mababa.
Pwedesir mag-apply kan nasabing loan an mga miyembrong nasa lugar na idineklarang “state of calamity”. An pautang an pwedesir i-apply online sa paagi kan SSS website o SSS mobile app.
Mientrastanto, nag-oofersir man an SSS nin short-term microloans na nagsasakat nin P1,000 hasta P2,000 na pwedesir bayadan sa laog kan 15 sagkod 90 aldaw, na may interest rate na 8% kada taon.
