LEGAZPI CITY—Padagos an preparasyon kan Magapo Elementary School sa Tabaco City katakod kan mga isasagibong aktibidades ngunyan na pagbubukas kan School Year 2026-2027.
Segun ki Magapo Elementary School Outgoing Principal Ma. Cecilia Borjal, sa intrevista kan Bombo Radyo Legazpi, na willing man an gabos na mga magurang kan saindang mga estudyante na magtabang sa pagpreparar sa pagbalik eskwela.
Pagdoon niya na an mga estudyante an liwat mn giraray na matenir sa saindang Temporary Learning Space sa Barangay San Vicente kan nasabiong ciudad huli sa nagpapadagos na aktibidad kan bulkang Mayon.
Mantang wara man suboot sindang problema sa kapalibutan asin classrooms, pighayag man kaini na saro man giraray sa saindang kadifisilan an init kan panahon urog na bako kasing-hibog an bubong kan saindang learning space.
Liwat man na nangangapudan an opisyal sa mga indibdiwal na may maray na puso na makakatabang sa saindang preparasyon para sa pagbubukas kan klase sa Lunes, Hunyo 8.
Mientrastanto, piglalaoman man kan saindang eskwelahan na maabot sa 150 estudyante an ma-enroll ngunyan na School Year 2026-2027.
