LEGAZPI CITY-Kumpiyansa an Philippine National Police na dai na kaipuhan na selyuhan an mga service firearms kan saindang mga personahes ngonian na holiday season.
Segun kay Philippine National Police Public Information Office Chief Police Brigader General Randulf Tuaño na an bilog na organisasyon kan ahensya, sarong propesyonal na mga law enforcement.
Isinagibo an desisyon makalihis an Inter-Agency Meeting o pagtiripon kan manlaen-laen na ahensya kan gobyerno, kabale na an Department of the Interior and Local Government (DILG).
Pinag-olayan sa pagtiripon na ini an mga lakdang ngani masierto an seguridad asin kaligtasan kan publiko sa panahon nin bakasyon.
Magigirumduman na kan taong 2023, huring pagkakataon na ipinaotob an mahigot na pagselyo kan mga service firearm kan pulisya.
Katuyuhan kan lakdang na maibitaran an indiscriminate firing orog na sa panahon kan Bagong Taon na pirmihang nagreresulta sa peligro asin danyos sa mga sibilyan.
Katakod kaini, mahigot na pigsugo ni Nartatez an gabos na commander sa ground o lideres sa manlaen-laen na istasyon asin unit kan pulisya, na tulos na resolberan an gabos na magigin kaso kan stray bullets sa laog nin 24 oras.
