LEGAZPI CITY- Nanindugan an pamayo kan pambansang kapulisan sa mandato kan organisasyon na pangatamanan an kapakanan kan publiko.
Katakod kaini, sinabi ni Police Regional Office Bicol Director Brig. General Andre Dizon na bukas an mga kapulisan sa rehiyon na magsunod sa mandato ni Philippine National Police chief Police General Rommel Francisco Marbil na dae magresibe an mga kapulisan nin anuman na regalo hali sa mga sibilyan.
Marurumduman na sa pagbisita kan PNP chief sa Camp Simeon Ola sa ciudad kan Legazpi, tinawan duon kaini an pangangataman kan ahensya sa kumpiyansa kan publiko.
Sa paagi kaini, mamamantenir man an mas matanos na serbisyo kan mga kapulisan mga namamanwaan.
Mientras tanto, sinabi man ni Dizon na nagpaabot an pamayo kan pambansang pulisya nin P10,000 sa kada hepatura sa rehiyong Bicol ngani na maggamit kan mga ini sa Pasko asin Bagong Taon.
Pinaglalaoman man na makakaresibe man nin service recognition incentives an mga kapulisan bilang pagbisto sa saindang mga serbisyo. n
