LEGAZPI CITY- Nasa rehiyong Bicol na an mga beauty queens na inimbitaran kan provincia kan Sorsogon na mapartisipar sa ika-duwang taon kan grand santa cruzan.
Kaibanan sa mga mapartisipar sa aktibidad an mga Pinay beauty queens na nakapag-uli nin honra para sa nacion sa manlain lain na mga pageants.
Segun ki Sorsogon provincial office spokesperson Dong Mendoza sa intrevista kan Bombo Radyo Legazpi na preparado na an gabos para sa enot na aldaw kan grand santa cruzan atyan na banggi.
Gigibuhon an nasabing aktidad sa banwaan kan Bulan.
Paliwanag kan opisyal na obheto kaini na maipromotir asin mas mapakusog pa an turismo sa povincia.
Pinaglalaoman kaya na makakapag attract nin mas dakol na mga bisita asin turista an nasabing aktibidad na papartisiparan kan darakulang mga personalidad.
Dugang pa ni Mendoza na magayon na tsansa man ini para sa mga pageant enthusiasts ngani na makadaupang palad an saindang mga idolo sa lado kan pageant.
