Nagkasundo an Pilipinas asin France na pakusugon an saindang kooperasyon sa dairy sector segun sa Department of Agriculture.
Ipighayag kan DA an pagpirma kan nakaagi nin sarong memorandum of understanding (MOU) sa pagultangan kan National Dairy Authority (NDA) asin France-based Phylum SARL para sa pagsasagibo nin feasibility study para sa Philippine Dairy Project.
An feasibility study an popondohan sa paagi kan grant hale sa Fonds d’Etudes et d’ Aide au Secteur Prive kan gobierno kan France.
An dairy farm an magkakaigwa nin pasilidad na kayang magproseso nin hasta 10 metrikong tonelada nin hilaw na gatas urualdaw.
Pigtaram kan DA na an kasunduan an magpapadali sa pagtutugdok kan mga milk collection center asin milk processing facility sa mga piling lugar sa enterong nacion.
An nasabing kasunduan an pinirmahan ni Agriculture Secretary Francisco Tiu Laurel Jr., na nagrepresenta sa NDA, asin Phylum SARL managing partner na si Francis Gary kan nakaaging Enero 22 ngonian na taon.
