LEGAZPI CITY-Pigbabantayan na Low Pressure Area asin Southwest monsoon, padagos na nakakapektar sa kondisyon kan panahon sa Bicol – weather specialist.
Pdagos na makakaapektar sa kondisyon kan panahon sa Bicol an pigbabantayan an Low Pressure Area (LPA) asin an Southwest monsoon o hanging habagat.
Segun kay Bicol weather specialist Ariel Zamudio, sa intrevista kan Bombo Radyo Legazpi, igwang pigbabantayan na Low Pressure Area (LPA) sa nacion sa rayong 600 kilometers na nakakaapektar sa padagos asin kalat-kalat na paguuran sa rehiyon kan Bicol.
Dagdag man kan opisyal na hababa an tyansa kaini na magin bagyo, na naghihiro pasiring sa norte, asin dai man nahihiling an paglandfall kaini sa rehiyon.
Magreresulta man suboot ini nin makukusog na intensity kan thunder storms na naghahaloy nin 1 hasta 2 oras.
Nakapagrehistro man an 25% na paguuran kan mga nakaaging aldaw sa rehiyon kan Bicol, na magpapadagos sa mga masunod na bulan asin mas dakula an tyansa na maguran pa sa udto hasta sundong hapon.
Piglalaoman man na sa paglaog kan bulan nin Hulyo, an posibleng 2 hasta 3 na mg atropical cyclone.
Dagdag pa ni Zamudio na normal sa ngonian an pabago-bagong panahon siring kan pag-init sa aga asin paguuran sa udto sundong hapon.
Mas magigin frequent ma nsuboot an pagkakaigwa nin pagdagoldol sa hapon na mamatian sa bilog na rehiyon kan Bicol asin sa Southern Luzon sa sundong bulan kan Agosto.
Pagirumdom man kan opisyal na pirmi magdara nin payong huli sa nasa bulan na nin taguran asin par aman sa mga parasisira, na magingat sa kadagatan enkaso igwang mga darakulang panganuron.
