LEGAZPI CITY – Pigklaro kan Philippine Institute of Volcanology and Seismology (PHIVOLCS) na warang dapat na ikahandal sa panibagong nairehistrong weak phreatic eruption sa Mt. Bulusan.
Sa intrevista ki Phivolcs resident volcanologist Ed Laguerta, pighayag kaini na indikasyon sana ini kan aktibidad kan bukid kun kaya hasta sa ngunyan, dae pa pighahali an nakataas na alert level 1.
Inako man kaini na kan nakalihis na semana, nagkaigwa nin padiit-diit na linog na sarong indikasyon na nagkakaigwa nin abnormalidad an bukid alagad wara man suboot dapat na ikahandal.
Dugang pa ni laguerta, sa presente wara pang indikasyon na nagpapahiling na posibleng magkaigwa nin makusog na pagputok an nasambitan na bukid.
Mientrastanto, nagkaigwa man suboot nin maluway na mga pagyugo na nairehistro an Bulkan Mayaon alagad sa ngunyan nagtetenir na ining matoninong.
