LEGAZPI CITY-Nairehistro kan Philippine Institute of Volcanology and Seismology (Phivolcs) an panaka-nakang strombolian activity asin lava fountaining sa Bulkang Mayon poon ngonian na aldaw nin Domingo, Marso 22, 2026.
Basado sa huring datos, nagkaigwa nin eruption ang Mayon kun sain padagos an pagbulos kan lava pasiring sa tulog gullies kaini.
Nai-report man an nasa 175 volcanic earthquakes kaiba an 6 volcanic tremors na naghaloy nin 1-6 minuto, 323 rockfall events, asin 11 pyroclastic density current signals o uson.
Sa presente, nagbuga nin haros 1,600 na tonelada nin Sulfur Dioxide Flux (SO2) sa kada aldaw an bulkang Mayon poon kan Marso 21, 2026.
Nag-abot man sa 1,500 meters an langkaw kan Plume o Katamtamang pagsingaw hale sa crater kaini na napapaduman sa southwest asin south-southwest na parte kan Bulkan.
Huli digdi, mahigot man liwat an patanid sa publiko na likayan an paglaog sa 6km permanent danger zone asin banta nin mga ashfall.
