LEGAZPI CITY- Nagpatanid an Philippine Institute of Volcanology and Seismology dapit sa posibleng pagdausdos kan lahar hali sa bulkang Mayon huli sa warang patod na mga pag-uran.
Segun ki Phivolcs resident volcanologist Dr. Paul Alanis sa intrevista kan Bombo Radyo Legazpi na dakol na mga riverchannels an pigbabantayan kan ahensya.
Paliwanag kan opisyal na mas peligroso an 2018 eruption kumparar sa 2023 eruption na nasa 80 hasta 90 cubic meters an ibinugang volcanic materials na kadaklan an bayo kaya sadit sana an tsansa na magkawsa nin lahar.
An 2018 eruption suboot an mas dakol na pyroclastic density currents kaya dakula an posibilidad na magkawsa nin lahar events.
Napag-araman na kasuudma uminabot sa kabilugan na 170 mm nin uran an naeksperyensyahan kan provincia nin Albay.
Katakod kaini, pinayuhan kan opisyal an publiko na magin alerto asin mapagmatyag ngani na maibitaran an anuman na dae pinaglalaoman na insidente urog na kun magpapadagos pa an mga pag-uran.
