LEGAZPI CITY – Ikinamundo kan Philippine Drug Enforcement Agency an pagpositibo kan tulong kunduktor asin sarong traysikel driver sa isinagibo nindang surprise random drug testing sa sarong terminal sa Iriga City, Camarines Sur.
Segun ki PDEA Bicol spokesperson Carlo Fernandez sa intrevista kan Bombo Radyo Legazpi na gikan an nagpositibo sa 100 Public Utility Vehicle Drivers asin Conductors kan naunambitang terminal.
An mga positibong indibidwal an nakatalaang isairarom sa confirmatory test sa laboratory kan saindang ofisina nganing ma-protetktaran an saindang identidad, direchos humanos, asin nganing dae magkaigwa nin iregularidad sa isasagibong testing.
Enkasong may magpositibo liwat sa apat na indibidwal sa confirmatory test an idudulok na ninda an mga ini sa Barangay, City, asin Municipal Anti-Drug Abuse Councils para sa magkakanigong lakdang asin intervention.
Pigtaram pa kan opisyal na nasa manhamiento na kan operator asin Land Transportation Office an magigin desisyon mapadapit sa pag-positive kan mga empleyado asin an ipapataw na padusa sa sainda.
Paglilinaw niya man na isinabay ninda sa surprise testing an mga tricycle driver huli ta saro an mga ini sa mga aldawang pigsasakayan kan mga commuter urog na ngonian na nagdadangadang na an kapaskuhan asin bagong taon.
Pagdoon man ni Fernandez na afuera sa mga terminal an nakabantay man sinda sa pantalan asin sa mga chekcpoints kabale an saindang K-9 units nganing mapugulan an pagbyahe kan anumang klase nin kontrabando sa enterong rehiyon.
