LEGAZPI CITY – Nakisumaro an Philippine Coast Guard (PCG) sa isinagibong port inspection ni of the Department of Transportation (DOTr)Acting Secretary Atty. Giovanni Lopez sa Matnog Port sa provincia kan Sorsogon.
Magigirumduman na may kinaaraman an ginibong inspeksyon sa biyahe ni Department of Public Works and Highways (DPWH) Secretary Vince Dizon hale sa Matnog, Sorsogon pasiring sa Allen, Samar makalihis an ginibo kaining road inspection sa rehiyon Bicol.
Segun ki Coast Guard District Bicol (CGDBCL) Commander Commodore Ivan Roldan sa intrevista kan Bombo Radyo Legazpi na katuyuhan kan inspeksyon na mahiling an presenteng kamugtakan kan pantalan asin kan mga barko na parte kan nautical highway roadbelt kan Eastern road pasiring sa Mindanao.
Ipinagirumdom suboot kan duwang naunambitang kalihim sa mga roro na ibitaran an overloading, pagmantenir kan kaligtasan kan mga sakay na behikulo nganing malikayan an dae piglalaomang insidente sa paglalayag.
Pigtaram pa kan opisyal na huli sa maray na kamugtakan kan Matnog Port asin kan mga barko an personal na na-eksperyensya kan duwang kalihim an serbisyong ipigpapa-otob sa pantalan nganing salbadong maka-abot sa Samar.
Nakatalaan man sindang makipag-olay sa manhamiento kan 9 na pantalan sa enterong rehiyon nganing ipagirumdom asin iheras sa sainda an mga abisong ipigtao ni Secretary Lopez nganing maibitaran an kaparehong insidente sa Basilan.
Nangapodan si Roldan sa mga shipping owners, operators, asin representative na ipa-otob an sea responsibility asin dae magduwang isip na magdulok sa mga coast guard districts stations nganing tulos na magibuhan nin paagi an anumang problemang maglataw.
 participated in the port inspection conducted by of the Department of Transportation (DOTr) Acting Secretary Atty. Giovanni Lopez in Matnog Port in the province of Sorsogon.){kind=link}