Ipighayag ni Presidente Ferdinand Marcos Jr., na amay pa nganing pag-orolayan an pagtatao nin executive clemency kay Mary Jane Veloso.
Sa sarong panayam, pigtaram ni Presidente Ferdinand Marcos Jr na harayo pa an orolay sa ngunyan nin huli ta nasa preliminary stage pa sana an pag-abot ni Veloso sa nasyon.
Segun sa presidente, aram ninda an kahagadan kan pamilya ni Veloso para sa saiyang clemency, alagad pag-aadalan ngona nin marhay suboot kan mga legal experts an presenteng kamugtakan ni Veloso nganing maaraman kun maninigo ining matawan.
Pigtaram pa kan presidente na wara mang kondisyon na itinao an gobyerno kan indonesia asin ipigpapaubaya na sa gobyerno an desisyon.
Alagad, papabayan muna suboot na siyasaton kan mga eksperto an presenteng kamugtakan ni Veloso.
Si Veloso uminabot kasuhapon sa nasyon hale sa Indonesia asin idiniretso sa Womens Correctional sa Mandaluyong City kun saen siya nagtetenir.
