Inanunsyar ni Presidente Ferdinand Marcos Jr. an mas dakulang rollback o bawas sa presyo kan mga produktong petrolyo sa sunod na semana.
Segun sa Presidente, mababa an diesel nin ng P24.94 kada litro, gasolina nin P3.41, asin kerosene nin P2.00. Mas halangkaw an pagbabang ini sa nakalihis na rollback asin piglalaomang matao nin ginhawa sa publiko.
Ipigdoon man kan Presidente na dapat mamatean kan kada Pilipino ang kada sentimong ibinababa asin malikayan an abala sa pagpila.
Katakod kaini, nangapudan an Presidente sa oil companies na ipaotob nin bilog asin warang pagka-octaba an rollback sa presyo kan langis, kasabat kan piglalaomang dakulang bawas sa sunod na semama.
Siring man, inengagnayar man kaini an publiko na i-report sa saiyang opisina asin sa Department of Energy ang mga mabalgar sa nag-iiral na oil price asin sainda ining aaksyunan.
Naenot nang sinabi kan Department of Energy na posible ang panibagong rollback.
Laoman man na iaanunsyar an opisyal na price adjustments sa aldaw kan Lunes asin ipapaotob sa Martes.
Mientrastanto, ipighayag man kan Presidente na pinalawig pa nin tulong bulan kan Land Transportation Office ang bisa kan mga lisensya asin rehistro na ma-expire ngunyan na Abril, nin warang multa, huli sa krisis sa Middle East.
