Dakula an ipiglangkaw kan foreign debt kan administrasyon ni Presidente Ferdinand Marcos Jr. sa enot na duwang bulan kan presenteng taon.
Basado sa pinakahuring datos kan Bureau of the Treasury (BTr) na uminabot sa P887 billion an kabilugan na utang kan gobierno hasta kan Pebrero, na mas halangkaw kumparar sa P552.7 billion sa parehong panahon kan nakalihis na taon.
Sa irarom kan administrasyon ni Marcos Jr., mas pinaboran an domestic borrowing na uminabot sa sa P684.3 billion— labi sa doble kumparar sa P293 billion kan nakalihis na taon.
Dakulang parte kaini an hali sa treasury bonds asin treasury bills.
Huli digdi, kadaklan sa utang kan gobierno ngunyan an hali sa laog kan nacion.
Mientras tanto, nagbaba man an pangungutang hali sa ibang nacion, na uminabot sana sa P202.7 billion na mas hibaba kumparar kan nakalihis na taon.
Huli sa domestic surge, uminabot sa 77.1% kan borrowings an domestic debt, na nagtutugma sa target kan gobierno na 77% domestic financing hali sa laog kan nacion.
Nagpapahiling ini na mas pigpipili ngunyan kan gobierno na umutang sa lokal na merkado ngani na matustusan an pangangaipo kan pondo.
