LEGAZPI CITY — Ipinagpapasalamat kan pamilya Batocabe an dakulang development sa kaso kan panggagadan ki Ako Bicol Partylist Rep. Rodel Batocabe.
Sa intrevista kan Bombo Radyo Legazpi ki Atty. Justin Batocabe, pinasalamatan kaini an panel of prosecutors kan Camarines Sur huli sa tibay asin kusog kan boot na utubon an hustisya para sa ama.
Kasuodma kan kumpirmahon ni Justice Sec. Menardo Guevarra an pagsasangat nin patong-patong na kaso kontra ki Daraga Mayor Carlwyn Baldo na pigsasabing mastermind sa paggadan sa kongresista.
Hagad man kan abogado na makapagluwas tulos nin warrant of arrest tangarig maarestar na an suboot mastermind asin gunman sa krimen. Si Baldo asin iba pang kasabwat kaini an kinasuhan nin duwang couts nin murder asin anom na counts nin attempted murder.
Nangapudan man an aking Batocabe sa mga husgado sa provincia kan Albay na tawan nin hustisya an ama asin arugon an ginibo kan Philippine National Police asin piskal kan Camarines Sur.
