LEGAZPI CITY- (Update) Nag-ugat sana sa sarong patanid kaya nagibong badilon kan sarong lalaki an tiyuon kan nobya kaini sa Brgy San Francisco, banwaan kan Sto. Domingo, Albay.
Sa intrevista kan Bombo Radyo Legazpi ki PS/Insp. Rene Bea, hepe kan Sto Domingo Municipal Police, nagluluwas suboot sa imbestigasyon na nag-init an pamayo kan suspek na si Jomer Zape huli sa nagigin tataramon kan biktimang si Niño Abellano mapadapit sa disgusto kaini sa ki Zape para sa pamangkin asin binawalan pa na makipaghilingan.
Pareho nang nakainom an duwa na hale sa sarong beer plaza kan mangyari an insidente.
Apwera pa ki Abellano, natamaan pa sa bitis an 14-anyos na pamangkin kaini na presente man sa lugar.
Nakatalaan naman na sangatan nin mga kasong murder asin attempted homicide an suspek mientras na pighahalat na an pagsuko kaini na segun naman sa ipinaabot na mensahe sa nobya kaini.
