LEGAZPI CITY — (Update) Igwa nang pighihiling na mga anggulo an kapulisan sa posibleng motibo sa pambabadil sa sarong minero sa Brgy. Panique, Aroroy, Masbate.
Gadan sa insidente si Jonathan Deonan, 36-anyos.
Sa intrevista kan Bombo Radyo Legazpi ki P/Cpl. Reggie Garing, investigator on-case kan Aroroy Municipal Police Station, pinag-aadalan na an mga person of interest sa krimen.
Napag-araman na bako man propiong taga-Aroroy an biktima alagad igwang karelasyon sa lugar kaya duman na nakaistar.
Pighihiling na posibleng may atraso man an biktima sa may kagibo kan krimen kaya binalikan suboot ini alagad pighihiling man an iba pang mga anggulo.
Antes man suboot na mangyari an pambabadil, igwa nang nagkapirang tawo na nagpapasiring sa lugar, naghahapot kan pagkakabisto kan biktima kun kaya nag-abiso man an live-in partner kaini na ibitaran an regular na pagluwas sa harong.
Nakipag-inuman pa suboot an biktima alagad wara nang buhay kan madiskubre kasabay kan mga tama nin bala hale sa caliber .45 na badil.
