Pigrerepaso na kan Palasyo an posibleng pagbaba o paramientras na pagpundo sa pagpapataw nin excise tax sa mga produktong petrolyo.
Ini an kasunod kan pagpirma ni Presidente Ferdinand Marcos Jr. sa ley na nagtatao saiya nin emergency powers nganing gibuhon ini.
Segun kay Palace Press Officer Undersecretary Claire Castro, nakipag-olay na sinda kay Energy Secretary Sharon Garin.
Padagos pa man ining pighihiling huli ta pabago-bago an presyo kan langis sa world market.
An ley na Republic Act No. 12316 an nagtataong permiso sa Presidente na suspindihon o bawasan an excise tax kun an average na presyo kan Dubai crude oil an umabot o lumagpas sa $80 kada bariles sa laog nin sarong bulan.
