LEGAZPI CITY- Nagpahayag nin pagkadismaya an saro sa mahigot na kritiko kan administrasyon na si Albay 1st District Representative Edcel Lagman sa pagpalyar na gamiton an gabos na pondo kan Bayanihan 2 na para kuta sa kampanya kontra sa coronavirus disease
Kasuodma kan dagos ng mapaso an Bayanihan 2 kasabay an nasa P18.4 bilyon pa na pondo kaini.
Sa intrevista kan Bombo Radyo Legazpi kay Cong. Edcel Lagman, nanghihinayang an opisyal sa dakulang pondo na dae kayang gastuson kan gobyerno na dakulang tabang na kuta sa nagtitios na pamilyang naapektaran kan pandemya asin para sa pagpapakusog kan ekonomiya kan nasyun.
Nahahandal man an opisyal na kulangon na nin panggastos an gobyerno para sa pambayad sa mga bagong hired na contact tracer, mga benipisyo kan medical health workers, pambakal nin medical supplies asin iba pa.
Huli ta napaso na an Bayanihan 2 na naipasar kan Setyembre 2020 asin na-ekstindir hasta Hunyo 2021 mabalik an pondo kaini sa National treasury.
Abiso kan kongresista sa administrasyon na rikasan an pagtatrabaho asin paggibo nin mga lakdang kontra sa COVIDD 19 nganing dae natitingga sana asin nasasayang an bilyon na pondo.
Posible man na magamit an natadang P18.4 bilyon para sa hahagadon naman na budget sa Bayanihan 2 na pasado na sa Kamara asin isasangalang na sana sa deliberasyon sa Senado.
