LEGAZPI CITY-Nagpatanid an mga mamumuhunan sa posibleng maglangkaw pa an presyo kan mga barakalon makalihis magsirit an presyo kan langis huli sa naglalalang tensyon sa Gitnang Silangan.
Segun sa mga report, nagkawsa nin pagkahadit sa pankinabang merkado an liwat na paglala kan tensyon sa pagultanan kan Estados Unidos asin Iran, kaiba na an huma sa suplay kan langis sa rehiyon.
Huli digdi, naglangkaw an gastos sa pangungutang kan nagkapirang nacion sa Europa mantang pinaglalaoman kan mga trader an posibleng mas mahigot na lakdang na gigibohon kan European Central Bank laban sa inflation.
Buminagsak man an nagkapirang stocks sa Europa matapos dai maabot kan chipmaker na STMicroelectronics an pinaglalaomang ganansya kaini.
Pig-aadalan man kan mga mamumuhunan an plano kan Alphabet, an parent company kan Google, na dagdagan pa an puhunan kaini para sa artificial intelligence (AI).
Mientras tanto, nagtetenir na positibo an nagkapirang merkado sa Asya huli sa padagos na paglago kan industriya kan AI.
Sierto man digdi an nagkapirang kumpanya kan teknolohiya, kaiba an mga nagigibo kan semiconductor asin computer chips.
Nagtetenir na maluya an palitan kan kwarta kan Japanese yen laban sa dolyar mantang nagkusog man an euro kontra dolyar maski pa naglangkaw an presyo kan langis.
