Ipinawarang bisa kan Korte an pagiging alkalde ni Alice Guo sa Bamban, Tarlac makalihis magluwas nin desisyon si Judge Liwliwa S. Hidalgo kan Hunyo 27, 2025.
Pinaburan kan Manila Regional Trial Court (RTC) Branch 34 an quo warranto petition kan office of the solicitor general laban kay Guo huli ta warang kauda-dudang Chinese huli ta parehong Tsino an saiyang ama asin ina.
Boot-sabihon ‘void’ o warang bisa gikan pa sa puon an pagka-alkalde ni Guo. Napatunayan man sa Korte na si Alice Guo asin an Chinese citizen na si Guo Hua Ping an sarong katawo basado sa magkaparehong finger prints.
Pignigaran man kan legal team ni Guo an nagin imbestigasyon kan National Bureau of Investigation asin an pag-akusar na ipinangaki kan mga magurang na Tsino si Guo.
Tinawan-duon pa kan korte na an Philippine passport ni Guo asin an saiyang birth certificate an bako bastanteng ebidensya nganing patunayan an saiyang pagka-Pilipino.
Basado pa sa desisyon na dae maininigar an pagka-Tsino suboot ni Guo asin kan saiyang mga magurang na nag-abot sa Pilipinas gikan Fujian, China, kan Hulyo 12, 1999.
An desisyon kan korte an nagpapahayag na bako sana siya diskwalipikado para sa posisyon bilang alkalde kundi dae man siya pwedesir na magdalagan para digdi.
Sinabi pa kan korte na dae nagbago an saiyang diskwalipikasyon maski pa siya naelihir asin pormal na nanumpa sa saiyang posisyon.
Ipighayag man sa desisyon na an saiyang proklamasyon an warang bisa puon pa ka siya mag-file kan saiyang Certificate of Candidacy.
Magigiromdomang kan August 2024, sinugo kan Office of the Ombudsman an saiyang dismissal huli sa pagkakaimbuelto kaini sa Philippine Offshore Gaming Operators (POGO).
