LEGAZPI CITY- Ipiglansar kan Bangko Sentral ng Pilipinas an PalengQR PH o paggamit nin digital payments sa Tabaco City Public Market.
Segun ki Tabaco City Mayor Krisel Lagman Luistro sa intrevista kan Bombo Radyo Legazpi na paagi ini ngani na ma-enganyar an mga paratienda, sari-sari store asin mga nasa sektor kan transportasyon na makipartisipar sa cashless transactions.
Magigin paagi suboot ini ngani na mas magin madali an transaksyon sa merkado publiko.
Alagad nilinaw kan alkalde na importante man an pagkakaigwa nin account kan mga namamanwaan kaya pig-facilitate an mga ini.
Sa presente pigsasapinal pa man kun magkakaigwa nin libreng koneksyon nin internet sa merkado huli ta an nasabing digital payment an dependent sa wifi connectivity.
Napag-araman na antes an paglalansar kan nasabing programa, naglibot na an manlain lain na mga bangko ngani na matukduan an mga namamanwaan.
Dugang pa ni Luistro na nagkaigwa na man nin orientation sa mga paratienda, mga drivers asin konsumidores ngani na maipaliwanag sa mga ini an tamang paglilikay kontra sa mga scammers.
